شوية نكت محترمة.

السلام عليكم ورحمة الله وبركاته .
انا جبتلكم شوية نكت صاروخ يارب يعجبوكم انا كنت عرفاهم من قبل كده وعجبوني يارب يعجبوكو زيي:-
1- كان في مرة تلاتة مساطيل قاعدين على قهوة الاول قال : انا عندي فلوس تشتري امريكا الشماليه، والتاني قال : وانا عندي فلوس تشتري امريكا الشمالية والجنوبية ، والتالت قالهم : ومين قالكوا اني عايز ابيع . هههههههههه
2- كان في مرة اتنين حراميه رايحين يسرقوا شقة فبعدين الراجل صاحب البيت ومراته جم فجاه
راح واحد استخبى ورا التليفزيون وواحد استخبى في المطبخ ، الراجل قال لمراته روحي اعملي السمك اللي في المطبخ لحد ما اسمع مباراة الاهلي انهاردة قالتله طيب،
راحت تعمل وكل ما تحط سمكة في الطبق تيجي تجيب غيرها ماتلاقيهاش في الطبق راحت صرخت وقالت لجوزها : انا كل ما احط سمكة في الطبق واجيب غيرها ما لاقيش السمكة دي ، راح قالها : امال انا اعمل ايه اللي كل ما الاهلي يجيب جون واحد من الجمهور يطلع يبوسني ويرجع تاني. هههه
3- مرة واحدة قالت لجوزها غير السواق بتاعنا علشان كان هايعمل بيا حدثة تلات مرات وربنا ستر ، قالها وايه يعني نديلوا فرصه تالتة.ههههههه
4- مرة واحد راح يوكل محامي لقاه صايم .ههههههههههه
5- مرة واحد طلع عليه الفجر قتله.هههههه
6- مرة واحد زرع وردة طلعتله ام كلثوم.هههههه
7- مرة واد قاعد يسال ابوه : ايه برج ايفل ده؟ ابوه قالو معرفش. الواد قالوا طب ايه الديمقراطية دي ؟ ابوه قالوا معرفش . الواد قاله طب ايه الايميل ده ابوه قالو معرفش.
راحت مرات الراجل قالت لابنها : بطل كلام وبلاش تدوش ابوك . راح ابوه قالها ليه خلي الواد يستفاد.هههههههههههههههههه وهو اصلا مش عارف اي حاجة في اي حاجة.ههههههههه
وشكرا والسلام عليكم ورحمة الله وبركاته
منتظرة رأيكم في هذه النكت ,ههههههههههههه

هههههههه
جميلة والله

شكرا امونة على مرورك وميرسي على ذوقك

شكرا على الاهتمام صافي الروح وميرسي على المرور

شكرا عل النكت الجميلة

ههههههههه
ميرسي على النكت

ميرسي على مروركم كلكو

جزاكى الله خيرا موضوع جميل ونكت جميله

مشكوووووووووووووووووووووووووووووره